Author: shauryavartanews2025@gmail.com
पिंपरी-चिंचवड : प्रेमसंबंधात अडसर ठरत असलेल्या प्रेयसीच्या अवघ्या ६ वर्षांच्या मुलाची अत्यंत क्रूरपणे हत्या करून फरार झालेल्या आरोपीला दक्षिण महाळुंगे एमआयडीसी पोलिसांनी अथक पाठलाग करून अखेर अटक केली आहे. या प्रकरणाने परिसरात मोठी खळबळ उडाली आहे. दक्षिण महाळुंगे एमआयडीसी पोलीस ठाण्यात दिनांक ८ एप्रिल २०२६ रोजी गुन्हा क्रमांक २७१/२०२६ अन्वये भारतीय न्याय संहितेच्या कलम १०३(१), २३८, ६१(२) आणि ३(५) अंतर्गत ६ वर्षीय मुलाच्या खुनाचा गुन्हा दाखल करण्यात आला होता. पोलिसांनी दिलेल्या माहितीनुसार, आरोपी महिला बसरिन मेहबुब शेख (वय २७, रा. पुस, ता. अंबाजोगाई, जि. बीड) हिचे फरार आरोपी राम विनायक कजेवाड याच्याशी प्रेमसंबंध होते. दोघे मूळचे अंबाजोगाई येथील शेजारी असून…
|| प्रतिनिधी : अमोल बेडके || चिंचवड : चिंचवड पोलीस स्टेशनच्या तपास पथकाने वाहनचोरीच्या मालिकेचा यशस्वी छडा लावत एक विधिसंघर्षित बालक ताब्यात घेतला असून त्याच्याकडून चोरीच्या तब्बल ६ दुचाकी हस्तगत करण्यात आल्या आहेत. या कारवाईमुळे वाहनचोरीचे चार गुन्हे उघडकीस आले असून परिसरातील नागरिकांमध्ये समाधान व्यक्त होत आहे. पोलीस स्टेशनमध्ये दाखल असलेल्या गुन्हा रजिस्टर क्रमांक १३६/२०२६, कलम BNS ३०३(२) अंतर्गत तपास सुरू असताना पोलिसांनी घटनास्थळ परिसरातील सीसीटीव्ही फुटेजची बारकाईने तपासणी केली. या तपासातून संबंधित विधिसंघर्षित बालकाने सदर वाहन चोरी केल्याचे स्पष्ट झाले. त्यानंतर पोलिसांनी तत्काळ कारवाई करत त्याला ताब्यात घेतले. पुढील चौकशीदरम्यान संबंधित बालकाने एकूण ६ दुचाकी चोरी केल्याची कबुली दिली.…
पिंपरी चिंचवड : पिंपरी-चिंचवड गुन्हे शाखेच्या युनिट 01 ने उल्लेखनीय कामगिरी करत वर्षभरापासून फरार असलेल्या एका गंभीर गुन्ह्यातील आरोपीला ताब्यात घेतले आहे. आरोपीच्या ताब्यातून धारदार लोखंडी कोयता जप्त करण्यात आला असून त्याच्यावर आर्म ॲक्ट अंतर्गत गुन्हा दाखल करण्यात आला आहे. दिनांक 15 एप्रिल 2026 रोजी वरिष्ठांच्या मार्गदर्शनाखाली युनिट 01 चे वरिष्ठ पोलीस निरीक्षक नरेंद्र ठाकरे यांच्या नेतृत्वाखाली सहाय्यक पोलीस निरीक्षक दत्तात्रय गुळीग, पोलीस उपनिरीक्षक कर्मराज गावडे तसेच पोहवा विजय शेळकंदे, पोशि खेडकर आणि पोशि चिखलकर हे पाहिजे, फरार व तडीपार आरोपींचा शोध घेत होते. बातमीदारांकडून मिळालेली माहिती आणि तांत्रिक विश्लेषणाच्या आधारे पथकाने तपास सुरू केला. दरम्यान, निगडी येथील भक्ती-शक्ती पुलाखाली…
|| प्रतिनिधी : प्रशांत पटाडे || पुणे : डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांच्या समतादूत प्रकल्पांतर्गत तसेच सहायक आयुक्त, समाजकल्याण पुणे यांच्या माध्यमातून महामानव डॉ. बाबासाहेब आंबेडकर यांच्या १३५ व्या जयंतीनिमित्त ८ एप्रिल ते १४ एप्रिल दरम्यान ‘सामाजिक समता सप्ताह’ विविध उपक्रमांनी उत्साहात साजरा करण्यात आला. या सप्ताहाचे उद्घाटन ८ एप्रिल रोजी डॉ. बाबासाहेब आंबेडकर यांच्या प्रतिमेला पुष्पहार अर्पण करून आणि पत्रकार परिषदेद्वारे करण्यात आले. सप्ताहभर पथनाट्य, प्रबोधनपर कार्यक्रम, विविध स्पर्धा तसेच शासकीय योजनांची माहिती नागरिकांपर्यंत पोहोचविण्यासाठी विशेष उपक्रम राबविण्यात आले. यामध्ये संत गाडगेबाबा महाराज आणि क्रांतीसूर्य महात्मा ज्योतिबा फुले यांच्या जयंतीनिमित्त विशेष कार्यक्रमांचे आयोजन करण्यात…
|| प्रतिनिधी : प्रभु कांगणे || पिंपरी-चिंचवड :शहरातील वाढत्या गुन्हेगारीला आळा घालण्यासाठी संत तुकारामनगर पोलीस ठाण्याच्या तपास पथकाने प्रभावी व धडाकेबाज कारवाई करत ३ आरोपींना अटक केली आहे. आरोपींकडून २ गावठी पिस्टल, २ जिवंत काडतुसे आणि एक मोटारसायकल असा एकूण २ लाख २ हजार १०० रुपयांचा मुद्देमाल जप्त करण्यात आला आहे. या कारवाईमुळे परिसरात बेकायदेशीर शस्त्र बाळगणाऱ्या टोळ्यांमध्ये खळबळ उडाली आहे. मिळालेल्या माहितीनुसार, संत तुकारामनगर पोलिसांना गोपनीय बातमीदारामार्फत काही संशयित इसम अवैध शस्त्रांसह फिरत असल्याची माहिती मिळाली होती. त्यानुसार तपास पथकाने तातडीने हालचाली करत एच.ए. ग्राउंड, संत तुकारामनगर येथे सापळा रचला. योग्य वेळी कारवाई करत दीपक भास्कर बर्फे (वय २६,…
|| प्रतिनिधी : छाया खंदारे || भोसरी : औद्योगिक शहर म्हणून ओळखल्या जाणाऱ्या पिंपरी-चिंचवड आणि चाकण परिसरात रोजगाराच्या शोधात येणाऱ्या तरुणांची संख्या मोठी आहे. मात्र योग्य मार्गदर्शनाअभावी अनेक युवक-युवती फसवणुकीचे बळी ठरत असल्याचे चित्र वारंवार समोर येत आहे. ही समस्या लक्षात घेऊन महापौर रवि बाबासाहेब लांडगे यांच्या संकल्पनेतून ‘महापौर युवा संकल्प रोजगार, कौशल्य विकास व करिअर मार्गदर्शन केंद्र’ भोसरी व चाकण येथे सुरू करण्यात आले आहे. भोसरी येथील संविधान चौकाजवळील फुगे प्रायमा येथे या केंद्राचे उद्घाटन गुरुवारी महापौर लांडगे यांच्या हस्ते झाले. या वेळी विविध मान्यवर आणि स्थानिक पदाधिकारी उपस्थित होते. या उपक्रमाबाबत माहिती देताना महापौर लांडगे म्हणाले, की आर्थिक…
|| प्रतिनिधी : अमोल बेडके || चिंचवड : पिंपरी-चिंचवड शहरातून वाहणाऱ्या पवना नदीचे पात्र दिवसेंदिवस अरुंद होत असल्याचे चिंताजनक चित्र समोर येत आहे. चिंचवड येथील बिर्ला रुग्णालयालगतच्या नदीकाठावर मोठ्या प्रमाणात मातीचा भराव टाकून अतिक्रमण सुरू असल्याचा आरोप स्थानिकांकडून केला जात आहे. मैदान उभारणीच्या नावाखाली नदीचे नैसर्गिक अस्तित्वच धोक्यात येत असल्याची भावना व्यक्त होत आहे. स्थानिकांच्या म्हणण्यानुसार, नदीकाठावरील झाडे तोडण्यासोबतच काही झाडांच्या बुंध्यांवर माती टाकून ती पूर्णपणे गाडली जात आहेत. परिणामी, नदीकाठावरील जैवविविधता नष्ट होण्याचा धोका निर्माण झाला आहे. पाण्याचा नैसर्गिक प्रवाह अडवल्याने भविष्यात पूरस्थिती अधिक गंभीर होण्याची भीतीही व्यक्त केली जात आहे. या सर्व प्रकाराकडे पिंपरी-चिंचवड महानगरपालिकेच्या पर्यावरण विभाग…
|| प्रतिनिधी : प्रशांत पटाडे || पुणे : उन्हाळी सुट्ट्यांचा हंगाम सुरू होताच नागरिक मोठ्या प्रमाणात वॉटरपार्ककडे वळत आहेत. मात्र अशाच एका सहलीदरम्यान पुण्यातील एका प्रसिद्ध वॉटरपार्कमध्ये अत्यंत धक्कादायक आणि गंभीर दुर्घटना घडली आहे. वॉटर स्लाइडवरून घसरताना झालेल्या अपघातात एका महिलेचे अर्धे शरीर कायमस्वरूपी निकामी झाल्याची माहिती समोर आली आहे. अश्विनी संदीप नप्ते (वय ३७, रा. करंदी) या आपल्या कुटुंबासह मोराची चिंचोली येथील जय मल्हार कृषी पर्यटन केंद्र वॉटरपार्कमध्ये सहलीसाठी गेल्या होत्या. दरम्यान, वॉटर स्लाइडवरून घसरताना पाण्याची पातळी अत्यंत कमी असल्यामुळे त्या जोरात खाली आपटल्या. या धक्क्यात त्या बेशुद्ध पडल्या. घटनेनंतर वॉटरपार्कमध्ये तातडीची वैद्यकीय सुविधा किंवा रुग्णवाहिका उपलब्ध नसल्याचा आरोप…
|| प्रतिनिधी : अमोल बेडके || पिंपरी-चिंचवड : पिंपरी-चिंचवड महानगरपालिकेच्या हद्दीत येणाऱ्या प्रभाग क्रमांक १६ व १७ मध्ये मोठ्या प्रमाणात अनधिकृत बांधकामे सुरू असल्याचा गंभीर आरोप समोर आला आहे. या प्रकरणी संबंधित क्षेत्रीय अधिकारी व बीट मार्शल यांच्या कार्यपद्धतीवर प्रश्नचिन्ह उपस्थित करत त्यांच्या सखोल चौकशीसह तात्काळ निलंबनाची मागणी करण्यात आली आहे. याबाबत महापालिका आयुक्तांना सादर करण्यात आलेल्या निवेदनात नमूद करण्यात आले आहे की, संबंधित प्रभागांमध्ये अनेक ठिकाणी चार-चार मजली इमारती बेकायदेशीररित्या उभारण्यात येत आहेत. ही बाब अत्यंत गंभीर असतानाही प्रशासनाकडून कोणतीही ठोस कारवाई होत नसल्यामुळे नागरिकांमध्ये तीव्र नाराजी व्यक्त होत आहे. निवेदनात पुढे असेही म्हटले आहे की, मोठ्या प्रमाणातील अनधिकृत…
|| प्रतिनिधी : प्रशांत पटाडे || चिंचवड : वाल्हेकर वाडी परिसरात तरुणाच्या मृत्यूची गंभीर घटना घडूनही प्रभाग क्रमांक १६ व १७ मध्ये सुरू असलेल्या अनधिकृत बांधकामांचा प्रश्न अधिकच तीव्र झाला आहे. या घटनेनंतर प्रशासनाने तातडीने कठोर पावले उचलण्याची अपेक्षा असताना, प्रत्यक्षात बेकायदा कामांचा वेग वाढल्याचे धक्कादायक चित्र समोर आले आहे. त्यामुळे नागरिकांमध्ये तीव्र संतापाची भावना निर्माण झाली आहे. स्थानिक नागरिक सांगतात की, आठवड्याच्या शेवटी मोठ्या प्रमाणावर स्लॅब टाकणे, रात्री उशिरापर्यंत सुरू असलेली कामे आणि रस्ते अडवून चालणारे प्रकल्प हे आता नित्याचे झाले आहे. कोणत्याही अधिकृत परवानगीशिवाय ही कामे सर्रास सुरू असताना संबंधित यंत्रणा मात्र निष्क्रिय असल्याचा आरोप होत आहे. विशेष…