Author: shauryavartanews2025@gmail.com
लोहगड : लोहगड किल्ल्यावर पत्नीसमवेत फिरण्यासाठी आलेल्या 25 वर्षीय तरुणाचा पाय घसरून सुमारे 250 फूट खोल दरीत पडल्याने दुर्दैवी मृत्यू झाल्याची घटना बुधवारी (दि. 18 जून) सकाळी घडली. मृत तरुणाचे नाव केतन विशाल अगरवाल (वय 25) असे असून ते प्रसिद्ध बांधकाम व्यावसायिक विशाल अगरवाल यांचे पुत्र होते. मिळालेल्या माहितीनुसार, केतन अगरवाल हे पत्नीसमवेत लोहगड किल्ल्यावर फिरण्यासाठी आले होते. सकाळी सुमारे 10.30 वाजण्याच्या सुमारास त्यांचा पाय घसरून ते किल्ल्याच्या दक्षिण बाजूला असलेल्या सुमारे 250 फूट खोल दरीत कोसळले. या घटनेची माहिती सकाळी 10.45 वाजता लोणावळा ग्रामीण पोलीस स्टेशनकडून मिळताच शिवदुर्ग रेस्क्यू टीमने तातडीने बचाव पथक तयार करून घटनास्थळी रवाना केले. तसेच…
पिंपरी-चिंचवड : वाल्हेकरवाडी परिसरात कार रस्त्यात का थांबवली, याबाबत विचारणा केल्याच्या कारणावरून पोलीस भरती प्रशिक्षण केंद्राचे संचालक व प्रशिक्षक यांना मारहाण केल्याप्रकरणी चिंचवड पोलिसांनी पाच जणांविरुद्ध गुन्हा दाखल केला आहे. याबाबत शरद सुभाष भोसले (वय ३५, रा. ग्रीन पार्क सोसायटी, जिजामाता चौक, वाल्हेकरवाडी, चिंचवड) यांनी चिंचवड पोलीस ठाण्यात फिर्याद दिली आहे. त्यानुसार गणेश राजू शिंदे (वय २२), प्रविण बडे (वय २४), सागर अनिल गावडे (वय २६), हितेश सुधीर चौधरी (वय २२) आणि तेजस हगवणे (वय २०) यांच्याविरुद्ध गुन्हा दाखल करण्यात आला आहे. आरोपींना नोटीस बजावण्यात आली असल्याची माहिती पोलिसांनी दिली. पोलिसांनी दिलेल्या माहितीनुसार, १६ जून २०२६ रोजी रात्री साडेअकराच्या सुमारास…
पिंपरी-चिंचवड : रावेत परिसरातील एका स्पा सेंटरचा व्हिडीओ काढून तो सोशल मीडियावर व्हायरल करण्याची धमकी देत स्पा व्यावसायिकाकडून खंडणी उकळल्याचा धक्कादायक प्रकार उघडकीस आला आहे. याप्रकरणी रावेत पोलिसांनी दोन नामनिर्देशित आरोपींसह अन्य दोघांविरोधात खंडणीचा गुन्हा दाखल केला आहे. पोलिसांनी दिलेल्या माहितीनुसार, फिर्यादी दीपक ज्योतीराम कोल्हापुरकर (वय ३८, रा. म्हाळुंगे) हे रावेत येथील मस्के वस्ती परिसरात स्पा सेंटर चालवतात. आरोपी स्वाती गायकवाड आणि विष्णू सुरवसे (रा. हडपसर) व इतर दोन अनोळखी व्यक्तींनी स्पा सेंटरमध्ये परवानगीशिवाय प्रवेश करून तेथील व्हिडीओ चित्रित केले. त्यानंतर हे व्हिडीओ सोशल मीडियावर व्हायरल करण्याची धमकी देत स्पा सुरू ठेवायचा असेल तर पैसे द्यावे लागतील, अशी मागणी केली.…
पुणे : शेषात्मज गणेश जयंतीनिमित्त श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळाच्या वतीने श्रीमंत दगडूशेठ हलवाई गणपती मंदिरात शेषनागाच्या विविधरंगी पुष्पप्रतिमांची भव्य सजावट करण्यात आली. शेषनागाच्या प्रतिकृतींमध्ये विराजमान झालेल्या गणरायाच्या चांदीच्या मूर्तीचे विलोभनीय दर्शन घेण्यासाठी गुरुवारी सकाळपासून भाविकांनी मोठी गर्दी केली. गाणपत्य संप्रदायात महत्त्वाचे स्थान असलेल्या शेषात्मज गणेश जयंतीनिमित्त मंदिरात विविध धार्मिक कार्यक्रमांचे आयोजन करण्यात आले. पहाटे ३ वाजता ब्रह्मवृंदांच्या उपस्थितीत ब्रह्मणस्पती सूक्त अभिषेक संपन्न झाला. त्यानंतर पहाटे ४ वाजता विदुषी शैला दातार यांनी स्वराभिषेकातून गणरायाच्या चरणी स्वरसेवा अर्पण केली. याशिवाय दिवसभर अभिषेक आणि गणेश यागाचेही आयोजन करण्यात आले. श्रीमंत दगडूशेठ हलवाई सार्वजनिक गणपती ट्रस्टचे अध्यक्ष सुनील…
पिंपरी-चिंचवड : चिंचवड पोलीस स्टेशनच्या दामिनी पथकाने दाखविलेल्या तत्परतेमुळे आणि संवेदनशीलतेमुळे हरवलेल्या एका लहान मुलाची त्याच्या आई-वडिलांशी अवघ्या पाच तासांत सुखरूप भेट घडवून आणण्यात यश मिळाले. ही हृदयस्पर्शी घटना १२ जून २०२६ रोजी चिंचवड पोलीस स्टेशनच्या हद्दीत घडली. बिजलीनगर येथील पुलावर एक लहान मुलगा रडत असल्याचे काही जागरूक नागरिकांच्या निदर्शनास आले. नागरिकांनी मुलाची ओळख पटविण्यासाठी परिसरात चौकशी केली, मात्र कोणालाही त्याच्याबाबत माहिती मिळाली नाही. त्यामुळे संबंधित नागरिकांनी मुलाला चिंचवड पोलीस स्टेशनमध्ये आणून पोलिसांच्या ताब्यात दिले. मुलगा ताब्यात मिळताच पोलीस उपनिरीक्षक पवार यांच्या मार्गदर्शनाखाली दामिनी पथकातील अश्विनी राक्षे, राणी सिंग आणि ऋतिका लांडे यांनी तातडीने शोधमोहीम सुरू केली. मुलगा मुस्लिम समाजातील…
पिंपरी-चिंचवड : पिंपरीतील सिटी प्लाझा लॉज परिसरात अनैतिक व्यवसायाविरोधातील कारवाईदरम्यान आणखी एका महिलेविरुद्ध गुन्हा दाखल करण्यात आला आहे. अनैतिक मानवी वाहतूक प्रतिबंधक कक्षाने ही कारवाई केली. पोलिसांनी दिलेल्या माहितीनुसार, आंबेडकर पुतळा चौक ते शगुन चौक मार्गावरील सिटी प्लाझा लॉजसमोरील सार्वजनिक रस्त्यावर संबंधित महिला येणाऱ्या-जाणाऱ्या व्यक्तींना शब्द उच्चारून, डोळ्यांनी खुणावत तसेच लैंगिक हावभाव करून ग्राहकांना आकर्षित करण्याचा प्रयत्न करत होती. या प्रकारामुळे सार्वजनिक ठिकाणी अडथळा निर्माण होऊन शिष्टाचार आणि सभ्यतेचा भंग होत असल्याचे पोलिसांनी नमूद केले आहे. याप्रकरणी पिंपरी पोलीस ठाण्यात अनैतिक व्यापार (प्रतिबंध) अधिनियम, १९५६ च्या कलम ८ अंतर्गत गुन्हा दाखल करण्यात आला आहे. संबंधित महिला आरोपी फरार असून तिचा…
पिंपरी-चिंचवड : चिंचवड परिसरात गांजाची विक्री करण्याच्या उद्देशाने अंमली पदार्थ बाळगणाऱ्या दोन विधीसंघर्षग्रस्त बालकांवर पोलिसांनी कारवाई करत ५१६ ग्रॅम गांजा जप्त केला आहे. या प्रकरणी चिंचवड पोलीस ठाण्यात एनडीपीएस कायद्यान्वये गुन्हा दाखल करण्यात आला आहे. पोलिसांनी दिलेल्या माहितीनुसार, वाल्हेकरवाडी गावठाण परिसरात इलेक्ट्रिक डीपीजवळ संशयास्पद हालचाली करणाऱ्या दोन विधीसंघर्षग्रस्त बालकांची तपासणी करण्यात आली. त्यावेळी त्यांच्या ताब्यातून २७ हजार रुपये किमतीचा ५१६ ग्रॅम गांजा आढळून आला. चौकशीदरम्यान एका बालकाने हा गांजा दुसऱ्या बालकाकडून विक्रीसाठी आणल्याची माहिती पोलिसांना दिली. त्यानुसार दोघांविरुद्ध एनडीपीएस कायदा कलम ८(क), २०(ब) आणि २९ अंतर्गत गुन्हा दाखल करण्यात आला आहे. या कारवाईमुळे चिंचवड परिसरातील अंमली पदार्थांच्या अवैध विक्रीच्या साखळीचा…
पिंपरी-चिंचवड : “तुम्हाला ६० कोटी रुपयांची टर्म इन्शुरन्स पॉलिसी मिळणार असून तपोलिसांनी दिलेल्या माहितीनुसार, आरोपी पंकज तिवारी (रा. नवी दिल्ली) याने स्वतःला \”बीमा लोकपाल, दिल्ली\” कार्यालयातून बोलत असल्याचे सांगून फिर्यादींशी संपर्क साधला. ६० कोटी रुपयांच्या टर्म इन्शुरन्स पॉलिसीचे आमिष दाखवत तसेच कुटुंबातील सर्व सदस्यांना विमा संरक्षण मिळणार असल्याचे खोटे आश्वासन दिले. त्यानंतर विविध कारणे सांगून वेळोवेळी वेगवेगळ्या बँक खात्यांमध्ये पैसे जमा करण्यास भाग पाडले.त्काळ २ ते ३ लाख रुपये मिळतील,” असे आमिष दाखवून तळवडे येथील एका नागरिकाची तब्बल ३० लाख २५ हजार ९२६ रुपयांची ऑनलाइन फसवणूक करण्यात आल्याचा धक्कादायक प्रकार उघडकीस आला आहे. याप्रकरणी चिखली पोलीस ठाण्यात गुन्हा क्रमांक ४०४/२०२६…
|| प्रतिनिधी : प्रशांत पटाडे || म्हाळुंगे : पिंपरी-चिंचवड पोलीस आयुक्तालयाच्या हद्दीतील अवैध हातभट्टी दारू व्यवसायाचे समूळ उच्चाटन करण्यासाठी दक्षिण महाळुंगे एमआयडीसी पोलिसांनी मोठी कारवाई केली आहे. मा. पोलीस आयुक्त विनयकुमार चौबे यांच्या आदेशानुसार राबविण्यात आलेल्या विशेष मोहिमेत अवैध हातभट्टी दारू विक्रीसाठी उभारण्यात आलेली सहा ठिकाणे जेसीबीच्या सहाय्याने जमीनदोस्त करण्यात आली. मा. पोलीस उप आयुक्त (परिमंडळ-४) श्वेता खेडकर आणि सहाय्यक पोलीस आयुक्त सचिन कदम यांच्या मार्गदर्शनाखाली दक्षिण महाळुंगे एमआयडीसी पोलीस ठाण्याचे वरिष्ठ पोलीस निरीक्षक विजय ढमाळ यांच्या नेतृत्वाखाली ही कारवाई करण्यात आली. कारवाईदरम्यान दारू विक्रीची ठिकाणे अनधिकृतपणे उभारण्यात आल्याचे निदर्शनास आल्यानंतर एमआयडीसी विभागाशी समन्वय साधून ती निष्कासित करण्याची प्रक्रिया सुरू…
|| प्रतिनिधी : अमोल बेडके || पिंपरी -चिंचवड : पर्यावरण दिनानिमित्त वाल्हेकरवाडी परिसरात नगरसेविका तथा शिक्षण मंडळ सदस्या सौ. पल्लवीताई सुधीर वाल्हेकर यांच्या पुढाकारातून वृक्षारोपणाचा प्रेरणादायी उपक्रम उत्साहात संपन्न झाला. चिंचवड विधानसभेचे कार्यसम्राट आमदार मा. श्री. शंकरभाऊ जगताप यांच्या मार्गदर्शनाखाली त्रिवेणी हॉस्पिटलजवळील स्पाईन रोड परिसरात विविध प्रकारच्या वृक्षांची लागवड करण्यात आली. पर्यावरण संवर्धनाचा संदेश देत हरित, स्वच्छ आणि पर्यावरणपूरक पिंपरी-चिंचवड घडविण्याचा संकल्प यावेळी व्यक्त करण्यात आला. वाढते प्रदूषण, हवामानातील बदल आणि झपाट्याने होत असलेले शहरीकरण यामुळे पर्यावरणाचा समतोल बिघडत चालला आहे. या पार्श्वभूमीवर पर्यावरण संरक्षणाची जनजागृती व्हावी आणि नागरिकांनी वृक्षसंवर्धनाची जबाबदारी स्वीकारावी या उद्देशाने हा उपक्रम आयोजित करण्यात आला होता.…