प्रतिनिधी : ज्योतीराम कांबळे
पंढरपूर : पंढरपूर तालुका पोलिसांनी अवैध वाळू उपसा आणि वाहतुकीविरोधात मोठी कारवाई करत तब्बल 47 लाख रुपयांचा मुद्देमाल जप्त केला आहे. या कारवाईमुळे अवैध वाळू माफियांचे धाबे दणाणले आहेत. सहाय्यक पोलीस अधीक्षक श्री प्रशांत दगडे यांच्या मार्गदर्शनाखाली पंढरपूर तालुका पोलिसांनी ही धडक कारवाई केली. शेगाव दुमला येथे एका टेम्पो गाडी, ट्रॅक्टर आणि वाळू उपसा करण्यासाठी लागणारी यंत्रसामग्री असा 11 लाख 50 हजार रुपयांचा मुद्देमाल जप्त करण्यात आला.
तसेच आंबे गावातून 125 ब्रास वाळूचा साठा, ज्याची किंमत 7 लाख 50 हजार रुपये, जप्त करण्यात आला. याशिवाय आंबेगाव येथे एका टिप्परमध्ये 5 ब्रास वाळूसह 28 लाख 30 हजार रुपयांचा मुद्देमाल पोलिसांनी ताब्यात घेतला.
या कारवाईत एक टिप्पर, एक एंट्रा टेम्पो, एक ट्रॅक्टर आणि एकूण 130 ब्रास वाळू असा एकूण 47 लाख रुपयांचा मुद्देमाल जप्त करण्यात आला आहे. संबंधित वाहन चालक, मालक आणि वाळू साठा करणाऱ्या आरोपींविरुद्ध पंढरपूर तालुका पोलीस ठाण्यात गुन्हा दाखल करण्याची प्रक्रिया सुरू असल्याची माहिती पोलिसांनी दिली.
ही कारवाई पोलीस अधीक्षक श्री अतुल कुलकर्णी, अपर पोलीस अधीक्षक श्री विजय कबाडे आणि सहाय्यक पोलीस अधीक्षक श्री प्रशांत दगडे यांच्या मार्गदर्शनाखाली पार पडली.
पंढरपूर तालुका पोलीस स्टेशनच्या वरिष्ठ पोलीस निरीक्षक टी. वाय. मुजावर यांच्या नेतृत्वाखाली सहाय्यक पोलीस निरीक्षक शहाजी गोसावी, पोलीस उपनिरीक्षक अक्षय सोनवणे, दत्तात्रय तोंडले, ASI आबा शेंडगे, पोलीस हवालदार सुहास देशमुख, दीपक रोकडे, अभिमन्यू गरड, भोसले, सचिन गावडे, सागर गवळी, पोलीस चालक रामभाऊ चाटे, हसन नदाफ, गोडसे यांच्या पथकाने ही कारवाई यशस्वी केली.
