Author: shauryavartanews2025@gmail.com
पिंपरी चिंचवड : ( प्रतिनिधी : अमोल बेडके ) पिंपरी मार्केट येथे भरदिवसा दुकानात घुसून व्यापाऱ्याला गोळी घालून सोन्याची चैन हिसकावणारा आणि तीन वाहन चोरीचे गुन्हे करणारा रवी पुजारी टोळीतील कुख्यात आरोपी मालमत्ता गुन्हे विरोधी पथकाच्या हाती लागला. पोलिसांनी तब्बल ७०० हून अधिक सीसीटीव्ही कॅमेऱ्यांचे फुटेज तपासून आरोपीपर्यंत पोहोचत उल्लेखनीय कामगिरी बजावली. पिंपरी पोलीस ठाण्यात दाखल गुन्ह्यानुसार, १ ऑगस्ट रोजी दुपारी ओमकार जनरल स्टोअर्स, पिंपरी येथे आरोपीने ‘फ्रुटी’ मागण्याच्या बहाण्याने गळ्यातील सोन्याची चैन हिसकावण्याचा प्रयत्न केला. चैन न तुटल्याने आरोपीने पिस्टल दाखवून धमकावत पुन्हा ओढली. यावेळी उर्वरित चैन मिळवण्यासाठी त्याने व्यापाऱ्याच्या पायावर गोळी झाडून गंभीर जखमी केले. घटनेनंतर पोलिस आयुक्त…
पंढरपूर प्रतिनिधी – ज्योतीराम कांबळे नंदेश्वर (ता. मंगळवेढा) येथील आमदार समाधान दादा आवताडे यांचे कट्टर समर्थक व समाजसेवक आकाश डांगे यांनी गाव वर्गणीतून एका गंभीर आजाराने ग्रस्त असलेल्या अकरा वर्षीय मुलीस आर्थिक मदत केली. मिरज येथील सिद्धिविनायक कॅन्सर हॉस्पिटलमध्ये उपचार घेत असलेली ही मुलगी नंदेश्वर येथील रहिवासी आहे. आजाराची माहिती कळताच आकाश डांगे यांनी गावातील नागरिक, व्हॉट्सअॅप व फेसबुक ग्रुपच्या माध्यमातून जनसंपर्क साधून निधी उभारला. त्यानंतर मुलीच्या नातेवाईकांना भेट देऊन आमदार समाधान दादा आवताडे यांच्या सहकार्याने सर्वतोपरी मदतीचे आश्वासन दिले. एका गरीब कुटुंबातील मुलीस गावातून उभारलेली ही मदत पोहोचविल्याबद्दल सर्वत्र आकाश डांगे यांच्या समाजकार्याचे कौतुक होत आहे.
गडचिरोली, चामोर्शी (प्रतिनिधी : प्रशांत शाहा) रक्षाबंधन म्हणजे केवळ घरातील भावाला राखी बांधण्यापुरते मर्यादित नाही, तर हृदयाने जोडलेले नातेही तितकेच महत्त्वाचे असते, याचा सुंदर प्रत्यय चामोर्शी तालुक्यातील वाकडी गावातील आदितीने दिला आहे. बारावीची विद्यार्थिनी असलेली आदिती दररोज चामोर्शी येथे शिक्षणासाठी एसटी बसने प्रवास करते. शाळेत जाताना तिची सुरक्षितता, वेळेवर पोहोच आणि प्रेमळ काळजी घेणाऱ्या बस चालक व वाहकाला ती आपले “मोठे भाऊ” मानते. या रक्षाबंधनाच्या दिवशी आदितीने नेहमीप्रमाणे शाळेकडे जाणाऱ्या प्रवासातच, एसटी बसमध्ये उभे राहून चालक व वाहक यांच्या मनगटावर प्रेमाने राखी बांधली. हसऱ्या चेहऱ्याने दिलेली ती राखी आणि त्यासोबतचा भावनिक क्षण पाहून बसमधील सर्व प्रवासी भारावून गेले. हा उपक्रम…
गडचिरोली चामोर्शी : तालुक्यातील रेगडी गावात रविवारी दुपारच्या सुमारास मासेमारीसाठी गेलेले रामा गोटा (रा. रेगडी) यांचा दुर्दैवीरीत्या तलावात बुडून मृत्यू झाला. रामा गोटा हे त्यांच्या घरातील एकमेव कर्ता पुरुष होते. त्यांच्या अकस्मात निधनाने कुटुंबावर मोठे संकट कोसळले असून, संपूर्ण गावात हळहळ व्यक्त होत आहे. रामा यांच्या घरची आर्थिक परिस्थिती अत्यंत हलाखीची असल्याचे लक्षात येताच रेगडी येथील बजरंग दल शाखेच्या कार्यकर्त्यांनी तत्परतेने मदतीचा हात पुढे केला. रामा गोटा यांच्या अंतिम संस्काराची जबाबदारी उचलत त्यांच्या कुटुंबाला तातडीची आर्थिक मदत देण्यात आली. यावेळी कार्यकर्त्यांनी कुटुंबाचे सांत्वन करून त्यांच्या पाठीशी ठाम उभे राहण्याची ग्वाही दिली. या उपक्रमात भाजपा बंगाली आघाडीचे जिल्हाध्यक्ष सुरेशभाऊ शाहा, बजरंग…
चिंचवड : सकाळी शाळेच्या प्रांगणात देशभक्तीच्या गीतांचा नाद घुमत होता… तिरंगा फडकत होता… आणि प्रत्येक चेहऱ्यावर देशप्रेमाचा तेजोमय उत्साह झळकत होता. श्री जैन विद्या प्रसारक मंडळ संचलित श्री फत्तेचंद जैन विद्यालय व ज्युनियर कॉलेज, चिंचवड येथे आज (शुक्रवार) क्रांती दिनाच्या औचित्याने क्रांती सप्ताहाचा समारोप भव्य आणि उत्साहपूर्ण वातावरणात पार पडला. कार्यक्रमाची सुरुवात दीपप्रज्वलन आणि सरस्वती वंदनेने झाली. यावेळी संस्थेचे ऑनररी जनरल सेक्रेटरी राजेंद्रकुमारजी मुथा व सहाय्यक सेक्रेटरी अनिलकुमारजी कांकरिया यांनी विद्यार्थ्यांना देशभक्ती, प्रामाणिकपणा आणि कर्तव्यनिष्ठेचा संदेश दिला. उपविख्याध्यापिका मनीषा जैन यांनी प्रास्ताविक करत आठवडाभर चाललेल्या क्रांती सप्ताहातील विविध उपक्रमांचा आढावा घेतला. विद्यार्थ्यांनी क्रांतिकारकांच्या वेशभूषेत रंगून त्यांचा संघर्ष, त्याग आणि शौर्य…
पंढरपूर (प्रतिनिधी – ज्योतीराम कांबळे): वाखरी (ता. पंढरपूर) येथील एका व्यापाऱ्याने खाजगी सावकारांच्या त्रासाला कंटाळून आत्महत्या केल्याची धक्कादायक घटना घडली आहे. या प्रकरणी पंढरपूर ग्रामीण पोलीस ठाण्यात सात जणांविरुद्ध खाजगी सावकारी अधिनियम, अनुसूचित जाती-जमाती अत्याचार प्रतिबंधक कायदा व इतर कलमानुसार गुन्हा दाखल करण्यात आला आहे. सुरेश कांबळे (व्यवसाय – चप्पल दुकान, वाखरी) असे आत्महत्या केलेल्या व्यापाऱ्याचे नाव आहे. शुक्रवारी सकाळी त्यांनी घराच्या पहिल्या मजल्यावरील बेडरूममध्ये लुंगीच्या साहाय्याने गळफास घेऊन जीवन संपविले. आत्महत्येनंतर त्यांच्या खिशात सापडलेल्या चिठ्ठीत सावकारांची नावे लिहिलेली आढळली. त्यामध्ये भारत हिलाल (रा. पंढरपूर), विकी अभंगराव, बंडू भोसले, शिवाजी गाजरे, गायकवाड आणि संजय व्यवहारे अशी नावे नमूद आहेत. या…
पंढरपूर (प्रतिनिधी ज्योतीराम कांबळे) : “आदिवासींच्या नोकऱ्या बोगस जातीच्या दाखल्यांनी बळकावल्या जात आहेत, निधी वळवला जातोय, विकासाची गंगा पाड्यापर्यंत पोहोचत नाही… हे अन्याय आता थांबलेच पाहिजेत” असा स्फोटक इशारा नॅशनल दलित मुव्हमेंट फॉर जस्टीसचे राज्य सचिव वैभव गिते यांनी खालापूर येथे दिला. 9 ऑगस्ट रोजी जागतिक आदिवासी दिनानिमित्त खालापूर येथे भव्य कार्यक्रम आयोजित करण्यात आला. तालुक्यातील सर्व गावांतील हजारो आदिवासी बांधव व भगिनी पारंपारिक वेशभूषेत सहभागी झाले. सततच्या पावसात, चिखलात आणि बसण्याची सोय नसतानाही बांधव आठ तास ठामपणे उभे राहून ऐक्याचे दर्शन घडवत होते. सांस्कृतिक कार्यक्रमांतून बिरसा मुंडा, तंट्या भिल्ल यांसारख्या महापुरुषांचे कार्य सादर झाले. उच्च शिक्षित आदिवासी…
पंढरपूर ( प्रतिनिधी : ज्योतिराम कांबळे ) – हरित महाराष्ट्र, समृद्ध महाराष्ट्र आणि माझी वसुंधरा अभियानांतर्गत पंढरपूर नगरपरिषदेकडून ३२,५०० वृक्ष लागवडीचे भव्य उद्दिष्ट निश्चित करण्यात आले असून, या मोहिमेस १ ऑगस्ट २०२५ पासून अधिकृत सुरुवात करण्यात आली आहे. या उपक्रमांतर्गत शहरातील पद्मावती उद्यान कॉर्नर ते बडोदा बँक स्टेशन रोड या मार्गावरील रस्ता दुभाजकांमध्ये वृक्षारोपण करण्यात आले. पर्यावरणपूरक आणि स्वच्छ पंढरपूर साकारण्यासाठी नगरपरिषदेकडून नियोजनबद्ध पद्धतीने विविध भागांत वृक्षारोपणाची अंमलबजावणी केली जात आहे. या कार्यक्रमास मा. मुख्याधिकारी महेश रोकडे यांच्या उपस्थितीत शुभारंभ करण्यात आला. त्यांच्या मार्गदर्शनाखाली उपमुख्याधिकारी रवींद्र सूर्यवंशी, नगर अभियंता प्रकाश केसकर, पाणीपुरवठा अभियंता राजकुमार काळे, लेखापाल करुणा शेळके, लेखापरीक्षक प्रशांत…
पिंपरी-चिंचवड (प्रतिनिधी : प्रभू कांगणे ): भोसरी एमआयडीसी पोलीस ठाणे व गुन्हे शाखा युनिट ५ यांच्या संयुक्त कारवाईत भोसरीतील औद्योगिक भागात घडलेल्या तब्बल ४० लाख ५० हजार रुपयांच्या चोरीप्रकरणी मोठा खुलासा करण्यात आला आहे. पोलिसांनी या गुन्ह्यातील चार आरोपींना अटक करून त्यांच्याकडून संपूर्ण मुद्देमाल हस्तगत केला आहे. ही घटना ११ जुलै २०२५ रोजी ब्राईट इंडिया टूल्स नावाच्या दुकानात घडली होती. या दुकानातून ४०,५०,००० रुपये किंमतीचे कार्बाईड टूल्स व ईन्सर्ट मटेरिअल चोरीस गेले होते. या प्रकरणी फिर्यादी बालाजी गौरीशंकर हलकुडे (वय ४०, रा. डुडुळगाव, मोशी) यांनी भोसरी एमआयडीसी पोलीस ठाण्यात तक्रार दाखल केली होती. त्या तक्रारीवरून गु.र.नं. ३९६/२०२५ नुसार भा.दं.सं. २०२३…
पिंपरी चिंचवड : ( प्रतिनिधी : शुभम जाधव ) : शहरातील चापेकर चौक येथील नायट्रो जिममध्ये व्यायाम करताना एका ३७ वर्षीय तरुणाचा हृदयविकाराच्या तीव्र झटक्याने मृत्यू झाल्याची धक्कादायक घटना आज सकाळी घडली. मिलिंद कुलकर्णी असे या तरुणाचे नाव असून, ते नियमितपणे जिममध्ये व्यायामासाठी येत असत. मिळालेल्या माहितीनुसार, सकाळच्या सुमारास मिलिंद कुलकर्णी जिममध्ये व्यायाम करत असताना अचानक त्यांच्या छातीत तीव्र वेदना जाणवल्या. काही क्षणांतच ते खाली कोसळले आणि त्यांचा जागेवरच मृत्यू झाला. या घटनेनंतर त्यांना तातडीने यशवंतराव चव्हाण रुग्णालयात नेण्यात आले, मात्र डॉक्टरांनी ते मृत घोषित केले. शवविच्छेदनासाठी त्यांचा मृतदेह रुग्णालयात ठेवण्यात आला आहे. विशेष बाब म्हणजे, कुलकर्णी यांच्या पत्नी या…