उरावडे : मुळशी तालुक्यातील उरावडे येथील संकल्प व्हॅली स्कूललगत सुरू असलेल्या Muller-BBM Acoustic Technology Pvt. Ltd. (Mसागर मारणे यांनी यापूर्वी PMRDA आयुक्त तसेच पुणे जिल्हाधिकाऱ्यांकडे तक्रारी करून शाळेतील ६०० हून अधिक विद्यार्थ्यांच्या आरोग्य व सुरक्षेचा प्रश्न उपस्थित केला होता. त्यानंतर ४ ऑगस्ट २०२६ रोजी जिल्हाधिकाऱ्यांकडे सादर केलेल्या निवेदनात संकल्प व्हॅली स्कूल आणि MBBM कंपनीमध्ये अवघे २० ते २२ मीटर अंतर असल्याचा दावा करण्यात आला आहे.BBM) कंपनीच्या कामकाजामुळे होणारे ध्वनी व वायू प्रदूषण आणि त्याचा विद्यार्थ्यांच्या आरोग्यावर होणारा परिणाम याबाबत भाजप युवा मोर्चाचे मुळशी तालुका कार्याध्यक्ष सागर सोपानराव मारणे यांनी केलेल्या पाठपुराव्याला आता प्रशासनाकडून प्रतिसाद मिळाला आहे. PMRDA प्रशासनाने सागर मारणे यांच्या तक्रारीची दखल घेत संबंधित प्रकरण महाराष्ट्र प्रदूषण नियंत्रण मंडळाकडे (MPCB) पुढील कार्यवाहीसाठी वर्ग केले आहे.
सागर मारणे यांनी यापूर्वी PMRDA आयुक्त तसेच पुणे जिल्हाधिकाऱ्यांकडे तक्रारी करून शाळेतील ६०० हून अधिक विद्यार्थ्यांच्या आरोग्य व सुरक्षेचा प्रश्न उपस्थित केला होता. त्यानंतर ४ ऑगस्ट २०२६ रोजी जिल्हाधिकाऱ्यांकडे सादर केलेल्या निवेदनात संकल्प व्हॅली स्कूल आणि MBBM कंपनीमध्ये अवघे २० ते २२ मीटर अंतर असल्याचा दावा करण्यात आला आहे.
निवेदनानुसार, कंपनीच्या कामामुळे दिवसभर मोठ्या प्रमाणावर आवाज तसेच रासायनिक वासाचा त्रास होत असल्याचा आरोप करण्यात आला आहे. शाळा परिसर ‘सायलेंट झोन’ म्हणून विचारात घेतला जात असल्याने ध्वनी प्रदूषणाच्या नियमांचे उल्लंघन होत आहे का, याची चौकशी करण्याची मागणी सागर मारणे यांनी केली आहे.
ध्वनीची पातळी ६५ ते ८४ dB(A) असल्याचा दावा
सागर मारणे यांच्या निवेदनासोबत देण्यात आलेल्या तुलनात्मक तक्त्यामध्ये शाळा परिसरासाठी ५० dB(A) कमाल मर्यादा नमूद करण्यात आली असून, MBBM कंपनीलगत प्रत्यक्ष परिस्थितीत ६५ ते ८४ dB(A) ध्वनी पातळी असल्याचा दावा करण्यात आला आहे. तसेच हवेच्या गुणवत्तेबाबत AQI २४० ते ३५०+ असल्याचे निवेदनात नमूद करण्यात आले आहे.
या प्रदूषणामुळे लहान मुलांना डोकेदुखी, कानांवर ताण, मानसिक त्रास, अभ्यासात अडथळा तसेच श्वसनाचा त्रास होत असल्याचे निवेदनात नमूद करण्यात आले आहे. मात्र, या आरोग्यविषयक दाव्यांची अधिकृत वैद्यकीय किंवा पर्यावरणीय तपासणीद्वारे पडताळणी होणे आवश्यक आहे.
PMRDAने तक्रार MPCBकडे पाठवली
दरम्यान, PMRDAच्या विकास परवानगी व नियोजन विभागाकडून २५ ऑक्टोबर २०२६ रोजीच्या पत्रात सागर मारणे यांच्या तक्रारीचा संदर्भ घेत संबंधित प्रकरण महाराष्ट्र प्रदूषण नियंत्रण मंडळाच्या प्रादेशिक कार्यालयाकडे वर्ग करण्यात आले आहे. तक्रारीतील मुद्दे MPCBशी संबंधित असल्याचे नमूद करत, कंपनीला देण्यात आलेल्या Consent to Establish प्रमाणपत्राबाबत तसेच प्रदूषणासंदर्भात उपस्थित करण्यात आलेल्या मुद्द्यांची पडताळणी करण्याची विनंती करण्यात आली आहे.
PMRDAच्या पत्रात संबंधित तक्रार अर्ज पुढील कार्यवाहीसाठी MPCBकडे वर्ग करण्यात येत असल्याचे स्पष्ट करण्यात आले आहे. त्यामुळे आता MPCBच्या तपासणी व अहवालाकडे परिसरातील नागरिकांचे लक्ष लागले आहे.
६०० विद्यार्थ्यांच्या सुरक्षेशी तडजोड होऊ देणार नाही’
या प्रकरणात सागर मारणे यांनी सातत्याने पाठपुरावा करत विद्यार्थ्यांच्या सुरक्षेचा मुद्दा प्रशासनासमोर मांडला आहे. कंपनीकडून आवश्यक पर्यावरणीय नियम व परवानग्यांचे पालन होत आहे का, कंपनीच्या कामकाजामुळे ध्वनी व वायू प्रदूषणाच्या निर्धारित मर्यादा ओलांडल्या जात आहेत का, तसेच शाळेच्या इतक्या जवळ उद्योगाचे कामकाज सुरू ठेवण्यासंदर्भातील नियमांचे पालन झाले आहे का, याची प्रशासनाने सखोल चौकशी करावी, अशी मागणी त्यांनी केली आहे.
दरम्यान, या प्रकरणाचे वार्तांकन करण्यासाठी गेलेल्या पत्रकारांना कंपनी परिसरात प्रवेश नाकारल्याचा आरोपही करण्यात आला आहे. त्यामुळे विद्यार्थ्यांच्या आरोग्यासोबतच पत्रकारांना वस्तुस्थिती जाणून घेण्याचा अधिकार यावरही प्रश्न उपस्थित झाले आहेत.
MPCBच्या पाहणी व तपासणीनंतर नेमके काय निष्पन्न होते, कंपनीने पर्यावरणीय नियमांचे पालन केले आहे का आणि विद्यार्थ्यांच्या सुरक्षेबाबत प्रशासन कोणती ठोस भूमिका घेते, याकडे आता सर्वांचे लक्ष लागले आहे.
