🚨 गुन्हे शाखा युनिट-१ ची धडाकेबाज कारवाई: ४ आरोपी अटकेत, ९ देशी कट्ट्यांसह मोठा शस्त्रसाठा जप्त.

|| प्रतिनिधी : प्रशांत पटाडे ||

पिंपरी-चिंचवड : पिंपरी-चिंचवड पोलीस आयुक्तालय हद्दीत अवैध अग्निशस्त्रांविरोधात सुरू असलेल्या विशेष मोहिमेदरम्यान देहुरोड परिसरातील व्यापाऱ्यावर झालेल्या गोळीबाराच्या गंभीर घटनेच्या पार्श्वभूमीवर गुन्हे शाखा युनिट-१ ने मोठी कारवाई केली आहे.

मा. पोलीस आयुक्त श्री. विनय कुमार चौबे यांच्या आदेशानुसार गुन्हेगारीवर आळा घालण्यासाठी कारवाई तीव्र करण्यात आली. त्यानुसार गुन्हे शाखा युनिट-१ चे वरिष्ठ पोलीस निरीक्षक नरेंद्र ठाकरे यांच्या नेतृत्वाखाली सहायक पोलीस निरीक्षक दत्तात्रय गुळीग, श्रेणी पोलीस उपनिरीक्षक शिवानंद स्वामी व त्यांच्या पथकाने गुप्त माहितीच्या आधारे सापळा रचून ही यशस्वी कारवाई केली.

तपासादरम्यान अज़हरुद्दीन रफिक सुतार, वैभव अशोक शेटे, सौरभ धनंजय जाधव, अक्षय अशोक कांबळे या आरोपींना अटक करण्यात आली आरोपींकडून तपासादरम्यान एकूण ९ देशी कट्टे, ५ अतिरिक्त मॅगझिन, ४६ जिवंत काडतुसे व २ वाहने असा सुमारे ८ लाख रुपयांचा अवैध शस्त्रसाठा जप्त करण्यात आला असून पुढील तपास सहायक पोलीस निरीक्षक दत्तात्रय गुळीग करीत आहेत.

पिंपरी-चिंचवड शहरातील वाढत्या गुन्हेगारीला आळा घालण्यासाठी गुन्हे शाखा युनिट-१ ची ही कारवाई अत्यंत महत्त्वाची मानली जात आहे.

सदर कारवाई पोलीस आयुक्त श्री. विनय कुमार चौबे, सह पोलीस आयुक्त श्री. शशिकांत महावरकर, अपर पोलीस आयुक्त श्री. सारंग आवाड, पोलीस उप आयुक्त (गुन्हे) डॉ. शिवाजी पवार, सहाय्यक पोलीस आयुक्त (गुन्हे) डॉ. विशाल हिरे यांच्या मार्गदर्शनाखाली गुन्हे शाखा युनिट-१ चे वरिष्ठ पोलीस निरीक्षक नरेंद्र ठाकरे, सहायक पोलीस निरीक्षक दत्तात्रय गुळीग, श्रेणी पोलीस उपनिरीक्षक शिवानंद स्वामी, पोलीस उपनिरीक्षक संतोष इंगळे, प्रमोद वेताळ, पोहचा जयवंत राऊत, महादेव जावळे, अजय डगळे, देवा राऊत, शिवराम भोपे, विजय शेळकंदे, सागर अक्सरे, मारुती करचुंडे, महिला पोलीस हवालदार उषा दले, पोलीस कॉन्स्टेबल संदेश देशमुख, लक्ष्मीकांत पतंगे, विजय जानराव, तेजस भालचिम, केशव चेपटे, सोहेल चिखलकर, उद्धव खेडकर, दिपक तांदळे यांनी यशस्वीरीत्या पार पाडली.