|| प्रतिनिधी : ज्योतीराम कांबळे ||
पंढरपूर : पंढरपूर नगरपरिषद व पोलिस प्रशासनाच्या वतीने यंदा “स्वच्छ-सुंदर हरित पंढरपूर” या संकल्पनेवर आधारित पर्यावरणपूरक सार्वजनिक गणेशोत्सव स्पर्धा 2025 आयोजित करण्यात आली आहे. पंढरपूर शहरातील विविध सार्वजनिक गणेशोत्सव मंडळांना या स्पर्धेत सहभागी होण्याचे आवाहन करण्यात आले आहे.
ही स्पर्धा केवळ गणेशोत्सवापुरती मर्यादित नसून, पर्यावरणपूरक मूर्ती, सजावट, ध्वनीप्रदूषणमुक्त वातावरण, पारंपरिक वाद्यांचा वापर, सामाजिक उपक्रम, प्लास्टिकमुक्त जनजागृती, डस्टबिनचा वापर तसेच वृक्षारोपण व सार्वजनिक ठिकाणांची स्वच्छता या महत्त्वाच्या निकषांवर आधारित असणार आहे. त्यामुळे शहरात गणेशोत्सवाच्या माध्यमातून पर्यावरण व स्वच्छतेबाबत व्यापक जनजागृती होणार आहे.
आकर्षक बक्षिसे
या स्पर्धेत विजेत्या मंडळांसाठी आकर्षक बक्षिसांची तरतूद करण्यात आली आहे. प्रथम क्रमांकासाठी 21 हजार रुपये, द्वितीय क्रमांकासाठी 15 हजार रुपये तर तृतीय क्रमांकासाठी 10 हजार रुपये रोख रक्कम, सोबत सन्मानचिन्ह व प्रमाणपत्र देण्यात येणार आहे.
नोंदणीची अंतिम तारीख
स्पर्धेसाठी नावनोंदणी 27 ऑगस्टपासून सुरू झाली असून 5 सप्टेंबर 2025 पर्यंत खुली राहणार आहे. इच्छुक गणेशोत्सव मंडळांनी दिलेल्या मुदतीत नोंदणी करावी, असे आवाहन करण्यात आले आहे.
संपर्क ,
नोंदणीसाठी मंडळांनी नगरपरिषद व पोलिस प्रशासनाच्या कार्यालयात संपर्क साधावा.
श्री. अधटराव – 9370853285,
श्री. जोजारे – 7020286147,
श्री. पवार (पोलीस हवालदार) – 9823990732
📍 कार्यालय : 4075/अ, भाळुंले चौक, पंढरपूर
