🔴 गुन्हे शाखा युनिट २ यांची यशस्वी कारवाई 🔴 🔰 खून प्रकरणात पॅरोलवर फरार व खूनाच्या प्रयत्नात पाहिजे आरोपीकडून देशी बनावटीचे पिस्तूल आणि जिवंत काडतूसासह अटक 🔰

प्रतिनिधी : अमोल बेडके

पिंपरी चिंचवड :  दि. २४ जून २०२५ रोजी गुन्हे शाखा युनिट २ च्या पथकाने शिताफीने सापळा रचून एक मोठी कामगिरी केली आहे. खून व खूनाच्या प्रयत्नाच्या गुन्ह्यांमध्ये फरार असलेला एक कुख्यात आरोपी देशी बनावटीचे पिस्तूल आणि दोन जिवंत काडतुसे बाळगताना वाल्हेकरवाडी, चिंचवड येथे अटक करण्यात आला.

गुन्हे शाखेचे पोलीस अधिकारी व अंमलदार पेट्रोलिंग करत असताना पोलीस हवालदार देवा राऊत व जयवंत राऊत यांना गोपनीय बातमीदारामार्फत माहिती मिळाली की, विशाल सुनिल काळे (वय २९, रा. ढोरआळी, शिरूर, जि. पुणे) हा शस्त्रासह हॉटेल रानमळा जवळ फिरत आहे.

विशाल काळे हा शिरूर पोलीस स्टेशन गु. रजि. नं. 514/2016, भादंवि कलम 302 (खून) या गंभीर गुन्ह्यात पॅरोलवर सुटून फरार असून,
त्याच्यावर पुढील गुन्हे देखील दाखल आहेत:

शिरूर पो.स्टे. गु.रजि. नं. 622/2022, भादंवि कलम 307 (खूनाचा प्रयत्न)

लोणीकंद पो.स्टे. गु.रजि. नं. 559/2022, भादंवि कलम 353 (शासकीय कर्मचाऱ्याला अडथळा)

गुन्हे शाखा युनिट २ चे पो.उपनिरीक्षक गणेश माने, पो.हवा. देवा राऊत, जयवंत राऊत, व पो.शि. शिवाजी मुंढे यांनी तत्काळ सापळा लावून आरोपीला अटक केली. त्याच्याकडून देशी बनावटीचे पिस्तूल व दोन जिवंत काडतुसे असा एकूण ₹५१,०००/- किमतीचा मुद्देमाल जप्त करण्यात आला.

याप्रकरणी आर्म्स ॲक्ट कलम 3(25) व महाराष्ट्र पोलीस कायदा कलम 37(1)(3), 135 नुसार चिंचवड पोलीस ठाण्यात गुन्हा दाखल करण्यात आला असून, आरोपीस पुढील कारवाईसाठी पोलिसांच्या ताब्यात देण्यात आले आहे .

🟢 ही कामगिरी पोलीस निरीक्षक, गुन्हे शाखा युनिट २ यांच्या मार्गदर्शनाखाली पार पडली.