🌿 हरित महाराष्ट्रासाठी पंढरपूर नगरपरिषदेचा पुढाकार – ३२,५०० वृक्ष लागवडीचे लक्ष्य निर्धारपूर्वक सुरू 🌿

पंढरपूर ( प्रतिनिधी : ज्योतिराम कांबळे ) – हरित महाराष्ट्र, समृद्ध महाराष्ट्र आणि माझी वसुंधरा अभियानांतर्गत पंढरपूर नगरपरिषदेकडून ३२,५०० वृक्ष लागवडीचे भव्य उद्दिष्ट निश्चित करण्यात आले असून, या मोहिमेस १ ऑगस्ट २०२५ पासून अधिकृत सुरुवात करण्यात आली आहे.

या उपक्रमांतर्गत शहरातील पद्मावती उद्यान कॉर्नर ते बडोदा बँक स्टेशन रोड या मार्गावरील रस्ता दुभाजकांमध्ये वृक्षारोपण करण्यात आले. पर्यावरणपूरक आणि स्वच्छ पंढरपूर साकारण्यासाठी नगरपरिषदेकडून नियोजनबद्ध पद्धतीने विविध भागांत वृक्षारोपणाची अंमलबजावणी केली जात आहे.

या कार्यक्रमास मा. मुख्याधिकारी महेश रोकडे यांच्या उपस्थितीत शुभारंभ करण्यात आला. त्यांच्या मार्गदर्शनाखाली उपमुख्याधिकारी रवींद्र सूर्यवंशी, नगर अभियंता प्रकाश केसकर, पाणीपुरवठा अभियंता राजकुमार काळे, लेखापाल करुणा शेळके, लेखापरीक्षक प्रशांत पवार, आरोग्य अधिकारी शरद वाघमारे, उपनगर अभियंता सुमित पाटील, भांडार विभाग प्रमुख विजय शहाणे, स्वच्छता निरीक्षक नाना गोरे, उद्यान विभाग प्रमुख सुवर्णा हाके, तसेच चिदानंद सर्वगोड, अनिल अभंगराव, चेतन चव्हाण, ईश्वर कट्टी, कृष्णकांत कुलकर्णी व इतर कर्मचारी यांनी सक्रिय सहभाग घेतला.

पंढरपूर शहरामध्ये पर्यावरण रक्षणासाठी आणि हरित पट्टा विकसित करण्यासाठी नगरपरिषदेकडून राबविण्यात येणारी ही मोहीम इतर शहरांसाठीही प्रेरणादायी ठरणार आहे.

🌳 “स्वच्छ पंढरपूर, हरित पंढरपूर – समृद्ध महाराष्ट्राची ग्वाही” 🌳